Abagize ishyirahamwe BCP/Kolping bungutse ubumenyi bushya bwo gukora amakara hifashishijwe imyanda nyuma yo kubona ko abantu bakomeje kwangiza ibidukikije bashakisha ibyo gucana.

Bamwe mu banyamuryango ba BCP/Kolping basobanuye ko ayo makara akorwa bifashishije imyanda inyuzwa mu mashini ikayikamuramo amazi maze ya myanda ikazana ishusho ry’ikara. Iyo mashini ikozwe mu biti izwi ku izina rya Press Kit.

Imyanda ikenerwa ni ibisigazwa by’imbaho biva aho babariza, impapuro zishaje, n’ibisigazwa by’ibiribwa birimo ibishishwa by’ibirayi, iby’imyumbati, iby’ibitoki n’iby’avoka ndetse n’ibindi byatsi.

Aya makara acanwa ku mbabura ngo ashobora kuba afite akamaro kanini mu kurengera ibidukikije. Uyakoresha azakenera gusa 30% by’inkwi yakoreshaga mbere ubundi 70% isigaye ikorshwe ayo makara yavumbuwe.

Aya makara ngo yatangiye kugirira abanyamuryango akamaro kuko ariyo bakoresha mu mwanya bakoreshagamo inkwi. Ikara rimwe rigurishwa amafaranga icumi y’u Rwanda kandi ane ahisha inkono.

BCP/Kolping ikorera mu muryango wa Kolping mu ishami ry’uburezi hashingwa amashyirahamwe yo kwiga icyongereza kandi yita ku iterambere ry’icyaro. Ni muri urwo rwego bihangira imirimo ibyara inyungu.

Share This

• 
• 
• 
• 
• 
• 
• 
• 
• 
• 
• 

About the author

peter