Nkuko byatangajwe na Rufuku, umujyanama w’ishyirahamwe ry’abakora

ubucukuzi bw’amabuye y’agaciro mu Rwanda yatangaje ko inzego

zihagarariye abacukuzi mu karere zizafasha abacukuzi gukuraho ingorane

bahura nazo no kubafasha gukora neza byiyongeraho korohereza abashaka

kumenya amakuru y’ubucukuzi mu Rwanda.

 

avuga ko inzego zihagarariye abacukuzi zashyizwe mu turere ducukurwamo

kandi bizafasha imikorere myiza iteza imbere igihugu. Avuga ko

bizanakuraho ibihuha u Rwanda rushinjwa byo kugurisha amabuye ya Congo

kuko u Rwanda rufite amabuye ahagije.

 

Faida avuga ko mu Rwanda habarirwa abacukuzi b’amabuye y’agaciro

bagera kuri 250 kandi abenshi bagaragara mu ntara y’amajyepfo idafite

aho ihuriye na Congo, avuga ko abacukuzi bagomba kwihesha agaciro

banga amakosa bakoresha kugira ngo bitazatuma bagusha igihugu mu

kibazo ibihugu byinshi birega u Rwanda ikosa ry’ubucukuzi rishobora

kwitirirwa igihugu.

 

Urwego rucukura amabuye y’agaciro ruza kumwanya wa kabiri mu kwinjiza

amadovizi nyuma y’ubucyerarugendo aho umwaka wa 2011 rwinjije miliyoni

150 z’amadolari hakaba hari ingamba ko kugera muri 2017 uru rwego

ruzaba rwinjiza miliyoni 400.

 

Urwego rw’ubucukuzi bw’amabuye y’agaciro mu Rwanda runengwa

kudatunganya aho rucukurira ariko iki kibazo cy’ibidukikije ngo

kizabonerwa ibisubizo bitewe n’uko hagiyeho inzego zizajya zihuza

abandi bacukuzi kandi zigahura n’abayobozi bakaba bamenyeshwa igikwiye

mu kwita kubidukikije no guteza imbere igihugu nkuko Buntu

Nsengiyumva Ezechiel yabitangaje nyuma y’ishyirwaho ry’inzego

zihagarariye abandi mu karere.

 

Share This

• 
• 
• 
• 
• 
• 
• 
• 
• 
• 
• 

About the author